Nga Miloti, kreu i PD-së Basha është shprehur se është i gatshëm që të përshkallëzoj protestën duke nisur nga sot. Kryedemokrati Basha, në fjalën e tij tha se themeli i kësaj të keqe është Edi Rama, dhe se motoja e këtyre protestave janë zgjedhjet e lira e të ndershme.
Fjala e plotë e Lulzim Bashës nga Miloti:
Këtë të enjte në Milot do t’ju falenderoj ju dhe të gjithë protestuesit e ndershëm në të gjitha akset e bllokuara, që nisën sot aktin e mosbindjes civile, si dëshmi e pazëvendësueshme.
Zonja dhe zotërinj, besoj që qindra mijëra shqiptarë sot janë bashkuar në këtë protestë, për njeriun më të paaftë, më të korruptuar dhe arrogantin, Edi Rama i cili solli krimin në sofër dhe i vuri shkelmin demokracisë.
Shumë prej jush janë këtu në mbështetje të kauzës, sepse e dinë fare mire që sa më i varfër të jetë populli, aq më e lehtë është për pushtetarët e korruptuar.
Rama ka bërë karburantin e shqiptarëve më të shtrenjtin në Europë. Ky është një drejtues që e ka lidhur fatin e tij me kriminelët e oligarkët e korruptuar. Themeli i kësaj të keqe është Edi Rama. Esenca e betejës tonë janë zgjedhjet e lira dhe të ndershme. Ne jemi të vendosur se kështu nuk do të vendoset më.
Ora e Edi Ramës dhe 20 hajdutëve të tij po mbaron. Në 30 qershor nuk do të ketë zgjedhje në Shqipëri.
Vëllai i bufit, Edi Rama e di këtë gjë. Opozita nuk klonohet, as nuk shpifet dhe as nuk krijohet, ne jemi opozita e vërtetë.
Në burg do të shkojë Damian Gjiknuri, Vangjush Dako dhe të gjithë të korruptuarit e Edi Ramës. Në asnjë qendër votimi nuk do të lejohet krimi elektoral të përsëritet.
Ne jemi të gatshëm që sot të nisim përshkallëzimin e protestës”.
