Edhe sot policia ka marrë të gjitha masat e sigurisë, për të shmangur çdo lloj incidenti gjatë protestës së opozitës.
Nga fotot, shihet gardhi prej hekuri që do të mbajë protestuesit në distancë nga godina e Kryeministrisë.
Protesta do të jetë e ngjashme me protestat e shkuara sa i përket mënyrës së organizimit. Qytetarët do të mblidhen para Kryeministrisë, dhe në dy pjesët anësore të saj ana e Piramidës dhe në rrugën “Ismail Qemali”.
Ndërkohë, raportohet se në terren do të jenë të angazhuara rreth 1500 forca policie, ndërsa në gatishmëri do të jenë dhe autobotet me ujë dhe gaz lotsjellës.
