Sikundër ishte lajmëruar edhe më herët, opozita e bashkuar do të protestojë sot sërish kundër qeverisë. Protesta do nisë rreth orës 10:00, në të njëjtën kohë kur Kuvendi mblidhet në seancë plenare. Deputetëve të mazhorancës u është dhënë urdhër qe të jenë prezent në seancë në orën 09:30. Kuvendi do të mblidhet në seancë plenare në orën 10:00, kohë kur do të nisë edhe protesta.
Dje, gjatë mbledhjes së grupit të PS, kryeministri Rama tha se nuk do ketë skena si të javës së shkuar para Parlamentit. Gjithashtu edhe ministri i Brendshëm Sandër Lleshaj ka thënë gjatë mbledhjes së grupit të PS, se policia do të garantojë sigurinë e deputetëve gjatë seancës së sotme.
Deputetët e PS i kanë kërkuar Ministrisë së Brendshme të garantojë sigurinë fizike të tyre, nisur nga e marta e kaluar më 26 shkurt, teksa disa deputetë u sulmuan nga protestuesit.
Kjo është e katërta protestë e opozitës, që prej 16 shkurtit.
