Nesër pritet që opozita të zhvillojë protestën e tretë kombëtare në Tiranë. Degët e PD dhe LSI në rrethe kanë organizuar mbështetësit, të cilët do të udhëtojnë prej qyteteve të tyre, për tu bashkuar në kryeqytet në orën 18:30, ku dhe do të nisë tubimi para Kryeministrisë.
Policia mësohet se ka angazhuar mbi 1200 efektivë, që do të jenë në gatishmëri si para godinës së qeverisë, ashtu dhe pranë institucioneve të tjera shtetërore.
Në mbështetje të tyre do të jenë dhe mjetet ujëhedhëse, ashtu si dhe ka ndodhur në tubimet e shkuara.
