Qeveria shprehet se pas protestave të dhunshme pas vrasjes së të riut Klodian Rasha nga efektivi i policisë qëndron opozita.
Kryetarja e LSI, Monika Kryemadhi e ka mohuar kategorikisht dhe shprehet se do ishte nder nëse do të ishte organizatore e një proteste aq të sinqertë.
“Do të ishte nder për mua të isha organizatore e një proteste aq të sinqertë. Por sigurisht kompleksi dhe vetëpërmbajtja ka bërë që me shpirt dhe zemër të ishim pjesë aty. Edhe po të kishim qenë mund të mos kishte ndodhur ajo dhunë ndaj të rinjve. Nuk mund të themi që shqiptarët janë robota. Në vrasjen e Klodian Rashës kemi katër deklarata nga policia e shtetit. Ndodhi diçka tjetër. Thelbi provokoi njerëzit. Manipulon në një mënyrë kaq flagrante kjo i nervozon njerëzit”, tha Kryemadhi për ”Abc News”.
