Një nga deputetët e ardhshëm të opozitës së re, Kujtim Gjuzi, ka folur në emisionin “Të Paekspozuarit”, ku ka deklaruar se do të futet në Parlament dhe se ka mbështetje të ndërkombëtarëve.
Gjuzi tha se ka komunikuar me ndërkombëtarët, dhe se është mik i Amerikës, sepse mban në dorë një orë “Atlantic”. Ai tha ndër të tjera se Kuvendi nuk mund të lihet bosh, dhe se duhet bërë më shumë.
“Parlamenti nuk mund të lihet bosh, është gjakosur Parlamenti por ka vijuar të funksionojë. Unë ju kam certifikuar gazetarit tuaj, sms-të që kam, mund t’ju nxjerr dokumentet e komunikimit.
Ka thënë një ish ministër, që Gjuzi nuk ka telefon se ka borxhe. Kam komunikim me ambasadën britanike në Tiranë. Kam sms me këshilltarin më të lartë të OSBE. Jam mik i Ambasadës Amerikane, jam edhe mik i Amerikës se mbaj orën Atlantic”, u shpreh Gjuzi.
