Në orët e para të ditës, rreth 15 grupe të Forcave të Ndërhyrjes së Shpejtë kanë ‘zbarkuar’ në Krujë. Në këtë operacion, po merr pjesë Policia e Tiranës dhe ajo e Krujës.
Nga të dhënat e para, bëhet me dije se operacioni në fjalë po kryhet për asgjësimin e parcelave të mbjella me kanabis sativa në këtë zonë. Sipas burimeve, forcat policore të Tiranës po kryejnë kontrolle sidomos në zonat e Malësisë së Krujës dhe në Nikël.
Duhet theksuar, se sipas policisë, Kruja, Nikla dhe Ishmi janë ndër zonat ku dyshohet se janë mbjellë sasi të konsiderueshme kanabisi.
