Gjykata e Kukësit ka dhënë sot masën e sigurisë për 17 personat e arrestuar, gjatë aksionit të gjerë anti-drogë që u zhvillua në disa qytete të vendit.
Bëhet me dije se për 16 të arrestuarit është caktuar masa e sigurisë “arrest me burg”. Ndërsa njëri prej të arrestuarve u la në “arrest shtëpie”.
Prokuroria e Kukësit ka kërkuar që kjo çështje t’i transferohet Prokurorisë së Posaçme (SPAK).
Grupi kriminal funksiononte prej dy vitesh, ndërsa sigurinë për kultivimin e kanabisit e merrte nga polici i zonës.
Kujtojmë se gjatë aksionit u arrestuan edhe dy efektivë të policisë, për të cilët pritet të jepet masa e sigurisë në ditët në vijim.
