Shkon në 37 numri i personave të arrestuar në kuadër të operacionit “Mezhgorani”.
Mësohet se në pranga ka përfunduar shtetasi me inicialet B.M, 32 vjeç. Gjykata e Rrethit Gjyqësor Përmet ka caktuar për të masën e sigurisë “Arrest në burg”, pasi akuzohet për veprat penale “Organizim i lotarive të palejuara” dhe “Moskallëzim krimi”. Ndaj tij gjykata e kishte caktuar masën e sigurisë “Arrest në burg”.
Kujtojmë se 5 ditë më parë, pas një hetimi 6-mujor u finalizua operacioni “Mezhgorani”, në kuadër të të cilit u arrestuan, u ndaluan dhe u proceduan 53 shtetas. Gjatë aksionit u sekuestruan 20 automjete te markave të ndryshme, 40 telefona celular, dokumente noteriale, kontrata, certifikata pronësie të ndryshme, rreth 130 kg kanabis, shuma prej 10 milion lekësh, 7500 euro, si dhe 3500 euro të dyshuara të falsifikuara.
Vijon puna për kapjen e shtetasve të tjerë të shpallur në kërkim në kuadër të operacionit “Mezhgorani”.
