Pak ditë më parë në “Komunën e Parisit” në Tiranë u zhvillua një operacion nga forcat RENEA, ku përfunduan në prangat e policisë 33-vjeçari Barush Bregu dhe Bajram Çekorja, 21 vjeç, nga Shkodra. Sipas gazetarit investigativ Artan Hoxha, ky operacion ishte organizuar për të arrestuar Ibrahim Licin, i dyshuar si ekzekutor në disa vrasje të bujshme në Shkodër.
Artan Hoxha në “Opinion” tha se policia kishte informacion se ai fshihej aty bashkë me dy ndihmësit e tij. Sipas gazetarit për arrestimin e tyre u zhvillua dhe një operacion në Velipojë, ku u gjet një arsenal i madh municionesh ku përfshihej dhe pajisje kundra-tank.
“Është një operacion, pjesëmarrja e Forcave Speciale dhe me snajper, nga mënyra si u bë evakuimi, duke patur parasysh dhe pajisjet speciale të efektive të RENEA-s tregonte se bëhej fjalë se mund të kishte dhe përplasje. Atë ditë është ndjekur procedura standarde që ka reparti special. Kishte informacion se aty ndodhej njëri nga ekzekutorët kryesorë të ngjarjeve në Shkodër, Ibrahim Lici bashkë me dy ndihmësit”, tha Hoxha.
