Policia ka bërë të mundur identifikimin e autorit të vrasjes së Abdulla Budllës, taksistit 71-vjeçar, i cili u qëllua për vdekje në Fushë Prezë. Policia e Shtetit ka zhvilluar një operacion për kapjen e autorëve, në zonën e Rinasit dhe të Niklës.
Deri më tani nuk është njoftuar kapja e personit që qëlloi mbi 71-vjeçarin, por janë shoqëruar disa persona që dyshohet se kanë dijeni lidhur me ngjarjen.
Ndaj Abdulla Budllës u qëllua me armë 6-7 herë nga një automjet në lëvizje, ndërsa në polici ai rezulton një person pa të kaluar kriminale.
Në vendin ku Abdulla Budlla u ekzekutua, ishte një nga vendet e qëndrimit të tij me makinën ku shërbente si taksi.
Deri tani ende nuk ka një pistë konkrete që të çon tek shkaku që prodhoi ekzekutimin e tij, për shkak se viktima nuk ka precedentë të mëparshëm penalë.
