Policia e Durrësit ka zhvilluar një operacion anti-drogë në qytetin bregdetar, ku janë arrestuar dy persona. Ngjarja ka ndodhur në lagjen nr.13, teksa dy personat të cilët ishin me precedentë kriminal në fushën e narkotikëve.
Fillimisht ata kanë kundërshtuar policinë, dhe në momentin kur kanë tentuar të largohen, një prej punonjësve të policisë ka qëlluar në ajër për t’i neutralizuar.
Të arrestuarit janë identifikuar me inicialet V.M 29 vjeç dhe E.SH 30 vjeç, teksa gjatë operacionit u janë sekusetruar rreth 1 kg kokainë.
”Policia e Durresit ishte ne operacion ne lagjen nr 13 Plazh per te kapur nje grup qe merrej me shperndarjen e lendeve narkotike kokaine. Gjate operacionit dy persona me precedent te theksuar kriminal ne fushen e narkotikeve kane kundershtuar me dhune policine dhe kane tentuar te largohet nderko qe nje prej punonjesve te policise ka qelluar ne ajer per ti neutralizuar. Policia ka prangosur dy persona , V.M 29 vjeç dhe E.SH 30 vjec dhe ka sekuestruar deri tani rreth nje kilograme kokaine.’’, informon policia.
