Ekspertët e shëndetit në mbarë botën kanë ngritur shqetësimin për variantin Omicron. Ky variant ka mbërritur edhe në Shqipëri. Varianti i fundit i koronavirusit ndodhet tashmë edhe në Shqipëri, ku janë konfirmuar dy raste. Lajmi është bërë me dije nga Komiteti Teknik i Ekspertëve.
Prania e Omicron është konfirmuar pas dërgimit të mostrave në Gjermani. Sipas Rakacollit, situata paraqitet e qëndrueshme si në rastet ditore, dhe në rastet që kërkojnë trajtim spitalor.
Shefja e ISHP-së, Eugena Tomini, e cila tha se janë konfirmuar dy raste, shtoi se varianti Delta është mbizotërues në vend.
“Ka luhatje të numrit të rasteve të konfirmuara pozitive. Janë konfirmuar dy rastet e para e Omicron në vendin tonë. Ndërkohë mbizotëron varianti Delta. Sa i përket incidencës një javore kemi një rënie”, tha Tomini.
