Zyra e Kombeve të Bashkuara për të drejtat e njeriut, deklaroi se tortura dhe puna e detyruar janë të përhapura në burgjet e Koresë së Veriut, duke arritur në krime kundër njerëzimit.
Raporti i lëshuar shtatë vjet pas një hetimi historik të Kombeve të Bashkuara, zbuloi se krimet kundër njerëzimit po kryheshin në kampet e burgjeve politike të drejtuara nga forcat e sigurisë ende vazhdojnë, megjithëse informacioni është më i pakët.
“Jo vetëm që mbizotëron mosndëshkimi, por shkeljet e të drejtave të njeriut që mund të përbëjnë krime kundër njerëzimit vazhdojnë të kryhen,”– tha në një deklaratë Michelle Bachelet, Komisioneri i Lartë i KB për të Drejtat e Njeriut.
Ajo u bëri thirrje fuqive botërore të ndjekin drejtësinë dhe të parandalojnë shkeljet e mëtejshme. Raporti bëri thirrje që Këshilli i Sigurimit i KB të referojë Republikën Popullore Demokratike të Koresë në Gjykatën Penale Ndërkombëtare për ndjekje penale ose të krijojë një gjykatë ad hoc.
“Përgjegjësia për shkeljet e rënda të të drejtave të njeriut dhe krimet e vazhdueshme kundër njerëzimit nuk duhet të jetë një konsideratë dytësore për të sjellë Korenë e Veriut në tryezën e negociatave,”– i tha Reuters zëdhënësja e të drejtave të njeriut të KB, Ravina Shamdasani.
