Finalizohet me sukses operacioni “ Chat Line” i policisë së Tiranës ku vuri në pranga 2 shtetase dhe ka proceduar penalisht një tjetër për veprën penale “Shfrytëzimi i Prostitucionit”, “Mbajtja e lokaleve për prostitucion” dhe “Prostitucioni”.
Kështu , u arrestua në flagrancë shtetaset
B.S., 30 vjeçe, banuese në Tiranë, administratore e një studioje “Chat Line” për veprën penale “Shfrytëzimi i Prostitucionit” dhe ” Mbajtja e lokaleve për prostitucion”, parashikuar nga neni 114/2 dhe 115 i Kodit Penal.
A.K., 27 vjeçe, banuese në Tiranë, për veprën penale “Prostitucion”.
Gjithashtu u procedua penalisht për veprën penale “Prostitucioni” shtetasja M.A., 40 vjeçe.
Sipas informacione nga uniformat blu bëhet me dije se shtetasja B. S., dyshohet se punësonte vajzat dhe i shfrytëzonte ato për prostitucion virtual nëpërmjet internetit.
Gjatë kontrollit nga policia në këtë apartament u gjetën dhe u sekuestruan në cilësinë e provës materiale:
2 kompjuterë dhe pajisje të ndryshme që përdoreshin për kryerjen e aktivitetit.
Materialet proceduriale i kaluan Prokurorisë së Rrethit Gjyqësor Tiranë, për veprën penale “Shfrytëzimi i prostitucionit”, “Mbajtja e lokaleve për prostitucion” të parashikuara nga nenet 114/2 dhe 115 të Kodit Penal për shtetasen B.S., dhe për veprën penale “Prostitucioni” parashikuar në nenin 113 për shtetaset A.K., dhe M.A.
