Ish-kreu i “Bandës së Durrësit” Lulzim Berisha është një prej subjekteve të paketës “anti-kçk”.
Zëdhënësja e OFL, përgjatë një deklarate për mediat teksa u shfaq me kapele dhe syze dha detaje për ditën e dytë të operacionit.
Ajo raportoi se operacioni Forca e Ligjit i ka dërguar një formular për deklarimin e pasurisë Berishës brenda 48 orëve:
“Lulzim Berisha i dënuar fillimisht me burg përjetë e më pas me 25 vite, i kishin mbetur vetëm 5 vite dënim për të kryer, kur u lirua nga burgu më 5 dhjetor 2016 pas një procesi të gjatë padish e kërkesash që avokatët e tij bënë në gjykata.
Gjykata i dha lirinë duke e vendosur atë në periudhë prove me kusht që për 5 vjet të mos kryejë vepër tjetër penale dhe të mbajë kontakt me Shërbimin e Provës Durrës”.
