Operacioni Forca e Ligjit bëri të ditur ditën e djeshme se iu ka dorëzuar formularët për vetëdeklarimin e pasurisë shtetasve Dritan Dajti dhe Xhevdet Troplini.
Ata duhet të plotësojnë formularin dhe ta dorëzojnë brenda 48 orëve, ndërsa ky i fundit do të çohet për hetim në SPAK.
Dritan Dajti është dënuar për veprat penale ‘Vrasja në rrethana të tjera cilësuese’, ‘Mbajtja pa leje e armëve luftarake’, ‘Falsifikimi i dokumenteve’, ‘Falsifikimi i vulave, stampave ose i formularëve’ dhe ‘Mbajtja pa të drejtë e uniformës’.
Ndërsa Xhevdet Troplini është dënuar për “trafikim të lëndëve narkotike”. I njohur ndryshe me pseudonimin “Poja”, Troplini u dënua në vitin 2006 nën akuzat e trafikimit të lëndëve narkotike.
Troplini ka në pronësi disa biznese, mes tyre edhe lokalin në parkingun e të cilit u rrëmbye Gazmir Çollaku.
Ai është përfshirë dhe i dyshuar në disa ngjarje kriminale në Durrës, por që në asnjë moment nuk është provuar fajësia e tij
