Viti i dytë i pandemisë Covid-19 mund të jetë më i vështirë se i pari, ndërsa koronavirusi i ri përhapet, veçanërisht në hemisferën veriore ku po qarkullojnë variante më ngjitëse, paralajmëroi sot Organizata Botërore e Shëndetësisë.
“Viti i dytë i pandemisë mund të jetë edhe më i vështirë, teksa shohim dinamikën e përhapjes”, ka thënë Mike Ryan nga OBSH, gjatë një organizimi virtual në rrjetet sociale.
Në përditësimin e fundit epidemiologjik, OBSH-ja ka thënë se javën e kaluar është raportuar për pesë milionë raste të reja me koronavirus.
“Pas pushimeve, në disa shtete situata do të përkeqësohet përpara se të përmirësohet”, ka thënë Maria Van Kerkhove, po ashtu pjesë e OBSH-së.
Numri i vendeve dhe rajoneve ku qarkullon lloji variant i koronavirusit të ri që u identifikua për herë të parë në Britani po qarkullon është 50, sipas Organizatës Botërore të Shëndetësisë, ndërsa së fundmi po qarkullon një lloj i ri i Covid që u shfaq nga Afrika e Jugut.
