E premte, 23 Korrik, 2021
28.5 C
Tirana

OBSH: 100 mijë persona do të vdesin deri në përfundimin e Lojërave Olimpike

Kreu i Organizatës Botërore të Shëndetësisë (OBSH), Tedros Adhanom Ghebreyesus bëri një deklaratë paralajmëruese, ku tha se mbi 100 mijë persna do të vdesin si pasojë e infektimit me Covid-19, deri në përfundimin e Lojërave Olimpike,

Tedros Adhanom Ghebreyesus tha në një takim të Komitetit Olimpik Ndërkombëtar (IOC) në Tokio, se “pandemia është një provë dhe bota po dështon”, shkruan Sky News.

Ai gjithashtu paralajmëroi se kushdo që mendon se pandemia ka mbaruar sepse rastet janë nën kontroll në vendin e tyre, po jeton në “parajsën e një budallai”.

Sipas tij, është një “padrejtësi e tmerrshme” që 75% e vaksinave në botë, po administrohen dhe po përdoren në vetëm 10 shtete. “Më shumë se katër milion njerëz kanë vdekur dhe më shumë vazhdojnë të vdesin. Tashmë këtë vit, numri i vdekjeve është më shumë se dyfishi i totalit të vitit të kaluar”, u shpreh kreu i OBSH-së.

Lojërat Olimpike mund të anulohen sërish

Shefi i komitetit organizues për Lojërat Olimpike Tokio 2020, nuk e përjashtoi një anulim në minutën e fundit të Olimpiadës, pasi shumë atletë dolën pozitivë për COVID-19 dhe sponsorët kryesorë hodhën poshtë planet për të marrë pjesë në ceremoninë e hapjes së këtij kompeticioni.

I pyetur nëse Lojërat Olimpike mund të anuloheshin, Toshiro Muto tha se ai do të mbikëqyrë numrat e infeksionit dhe do të lidhet me organizatorët e tjerë nëse është e nevojshme.

“Ne nuk mund të parashikojmë se çfarë do të ndodhë me numrin e rasteve të koronavirusit, kështu që do të vazhdojmë diskutimet nëse ka ndonjë rritje të rasteve. Kemi rënë dakord që bazuar në situatën e koronavirusit, ne do të mblidhemi për të biseduar me të gjitha palët. Në këtë pikë, rastet e koronavirusit mund të rriten ose të bien, kështu që ne do të mendojmë se çfarë duhet të bëjmë kur të krijohet situata”, tha shefi organizativ.

Lexo edhe :   Rusi, zbulohen rastet e para me një tjetër variant të koronavirusit
- Reklama -

Më shumë nga kategoria




Të fundit

Shtatorja e Sali Butkës/ Hajdari: Vështirësi në finalizimin e projektit

Kryeinspektori i Përgjithshëm, Shkëlqim Hajdari teksa ka folur për përurimin e shtatores së patriotit të madh shqiptar, Sali Butka, është shprehur se finalizimi i...

Shpejtësia në rrugë, një marrëzi që duhet ndalur

Nga Luan Rama Mendohej përgjithësisht se aksidenti i rëndë që ndodhi më 25 qershor të këtij viti në autostradën Fier – Vlorë, pra vetëm një...

Sfidat e gazetarëve në zonat me kriminalitet të lartë në Shqipëri

Raimond Kola, Zëri i Amerikës Disa zona me kriminalitet të lartë në Shqipëri përbëjnë një sfidë për raportimin e lajmeve. Gazetarët thonë se shpesh ndihen...

Për të tretën herë, zbulohet kokainë në kontejnerët e ”Alba Exotic Fruit”

Pasditen e sotme, në Portin e Durrësit janë sekuestruar 6.5 kg lëndë narkotike, e dyshuar kokainë. Në kuadër të operacionit policor të koduar ''Rada'',...

Aksident në Divjakë, motori përplas për vdekje 85-vjeçarin

Një aksident me pasojë vdekjen e një personi është regjisruar pasditen e sotme në vendin e njohur si Kthesa e Gungasit, në aksin rrugor...