Një 55-vjeçar gjatë një vizite në një kopsht zoologjik në Afrikë të Jugut u kafshua në dorë nga një luaneshë, pasi tentoi ta përkëdhelte atë.
Pieter Nortje kaloi dorën përmes rrjetës rrethuese dhe fillimisht përkëdheli një luan që ishte aty pranë, më pas afrohet luanesha e cila reagon ashpër duke ia kafshuar dorën turistit. Të pranishmit u alarmuan, duke u përfshirë nga paniku, shkruan media britanike “Daily Mail”.
Luanesha ia kafshoi dorën turistit dhe për pak ia këputi. Gruaja e Pieter po filmonte dhe bërteti e trishtuar: “O zot, po e kafshon, po e kafshon”.
Pieter Nortje dhe bashkëshortja Ize kishin shkuar në Afrikë të Jugut për të festuar 10-vjetorin e martesës, ndërsa përvjetori për pak u kthye në tragjedi.
Burri shpëtoi vetëm me disa lëndime të lehta, pasi e tërhoqi shpejt dorën.
