Ish-ministri i Drejtësisë, Ylli Manjani, shprehet se përdorimi i fëmijëve për kapital politik, mbetet poshtërsia më e madhe që politika shqiptare i bën popullit të vetë.
Reagimi i tij pason pasi ministri Lleshaj publikoi foto me djaloshin Alvin Berisha. Ai madje ironizon më tej se policia që nuk kontrollon ende territorin e shtetit nga krimi, ka realizuar një operacion policor në Siri.
Duke marrë shkas edhe nga statusi në Facebook të Lleshajt, ai thotë se fotoja në fjalë është veçse propagandë.
Statusi
Përdorja e fëmijëve për kapital politik është poshtërsia më e madhe që politika shqiptare i bën popullit të vet.
I ulët si gjest sa më ska!
Le pastaj kur pushteti fryn muskujt për të treguar se bën dhe operacione policore në vend të huaj.
Policia që s’kontrollon ende territorin e shtetit nga krimi, që po i llullatë fëmijët me drogë në shkolla, na paska kryer një operacion policor në Siri…
Mirë që s’thanë që e rrëzonim edhe Asadin, po nuk deshëm!!!
Bajate fare! Si miza që rri në bythë të kalit dhe shet mend se po tërheq karrocën.
Në fund një foto për propagandë dhe një mesazh nga udhëheqja. Ndërkohë fëmija do riatdhesohet në Itali, jo në Shqipëri.
Për të qeshur e për të qarë njëkohësisht!
O Makron! Ti e ke fajin!
