Dje kryeministri Edi Rama është përplasur verbalisht me dy deputetët demokratë, Edi Paloka dhe Bujar Leskaj. Në kohën kur po përgatitej mbyllja e seancës së gjatë të Kuvendit me votimin për 4 pr/ligjet të përcaktuara në rendin e ditës, nisën ofendimet dhe sharjes mes Ramës, Leskajt dhe Palokës.
Përpara se të niste votimi elektronik, kryeministri i kërkoi kryetares së Kuvendit, Lindita Nikolla që të përjashtojë dy deputetët kundërshtarë. Nikolla e la vendimmarrjen e kësaj kërkese për pas votimit. “A ka mundësi që këta të dy të dalin jashtë, të përjashtohen?”, ka thënë kreu i qeverisë Edi Rama para votimit.
Pas përfundimit të mbledhjes së Parlamentit, Kuvendi i Shqipërisë njoftoi se ka përjashtuar për 10 ditë dy deputetët demokratë Leskaj dhe Paloka, për sjellje të pahijshme ndikuar nga konsumi i pijeve alkoolike.
“Kuvendi i Shqipërisë, bazuar në Rregulloren e vet, do të marre masa disiplinore me përjashtim 10 ditor nga punimet, për deputetët Edi Paloka dhe Bujar Leskaj. Për shkak të konsumit të pijeve alkoolike, dy deputetët bënë veprime të pahijshme dhe përdorën një fjalor banal gjatë procesit të votimit”, thuhet në njoftimin e Kuvendit.
Gjithçka ka nisur kur Paloka i është drejtuar Ramës, duke e pyetur nëse e kishte ndërruar pjatën që kishte përpara në vendin ku qëndronte. Kaq ka mjaftuar që Rama t’i drejtohet duke i thënë se ishte i pirë, dhe nuk duhet të rrinte në sallë.
Pjesë e debatit është bërë edhe Bujar Leskaj, me të cilin kryeministri e ka vijuar debatin. Në fund të seancës grupi i PS-së deklaroi se depozitojë një kërkesë për përjashtimin me 10 ditë nga punimet e Kuvendit dy deputetët demokratë.
DEBATI
Paloka- Ramës: E ndërrove pjatën?
Rama: Ik pi raki ik, ti je i pirë.
Leskaj i afrohet Palokës
Rama: Leskaj po ti pse flet, pse ndërhyn?
Leskaj: Po ti pse bën si i fortë ti?
Rama: Unë të fola ty apo ti mua?
Leskaj: Si the, si the?
Rama: Unë të fola ty apo ti mua?
Leskaj: Unë i fola Palokës, jo ty. Për ty nuk më rruhet fare. Ti pi mall se të bën mirë.
Rama: Ik ha ndonjë kërm ik.
Leskaj: Kërma e satëme.
Rama: Ta tregoj unë ty, do të të shkatërrojë. Ju jeni pa fe, a pa atdhe.
Paloka i afrohet Ramës, afrohen edhe efektivët e Gardës
Paloka: O legen kujt i bën presion ti? Ty të njeh e gjithë Tirana që je legen mo. O i pafytyrë, o b.q. se këta nuk të njohin ty, por unë të njoh shumë mirë se kush je.
Rama: Ju të dy jeni tapë, po ikni që këtu.
Paloka: Jemi ne tapë? Po ti e ndërrove pjatën ti? E more vizën tjetër?
Rama: Ti je tapë edhe kur je mirë mo.
Rama- Nikollës: A ka mundësi të dalin jashtë këta të dy?
Bardhi: Po ti kush je ti që jep urdhra?
