Pas një pezullimi tre ditor, sot nxënësit rikthehen në bankat e shkollës. Deri më tani nuk ka një datë dhe orë se kur do të zëvendësohen orët e humbura, teksa Ministrja e Arsimit, Evis Kushi tha se do të merret një vendim i dytë ku nuk përjashtohet mundësia që të zhvillohet mësim edhe ditëve të shtuna.
Shkollat u mbyllën nga 24-26 janar, me argumentin jo vetëm për temperaturat e ulëta dhe mungesën e ngrohjes në shkolla, por për shkak të rrezikut që i kanosen fëmijëve nga shtëpia në shkollë dhe e kundërta.
Sot temperaturat kanë pësuar një rritje krahasuar me tre ditët e kaluara. Temperaturat e ulëta gjatë këtyre ditëve kanë shkaktuar mjaft probleme në vend, që nga bllokimi i rrugëve e deri tek ngricat në sistemin ujësjellës.
