Kryetari i PD-së, Lulzim Basha i ka bërë thirrje qeverisë që të rrisë numrin e testimeve, te personat e dyshuar me koronavirus.
Përmes një postimi në Facebook, Basha shprehet se numri i ulët i testimeve fsheh të vërtetën. Sipas tij, numri i vogël i testeve bën që të zgjatet më shumë zinxhiri i infeksionit.
Kreu i opozitës shton se nëse nuk rritet numri i testimeve, atëherë karantina do të vijojë më gjatë dhe kriza në ekonomi do të thellohet.
Postimi i plotë:
Për të evidentuar të prekurit nga COVID-19, dhe për të shkëputur zinxhirin e transmetimit, qeveria duhet të rrisë numrin e testimeve.
Numri i ulët i testimeve fsheh të vërtetën dhe kushton jetë!
Sa më pak testime,
aq më pak persona të identifikuar, aq më shumë zgjatet zinxhiri i infeksionit,
dhe rritet numri i të infektuarve dhe i viktimave.
Sa më pak testime
aq më gjatë vazhdon karantina
dhe thellohet kriza ekonomike.
Duhet vepruar TANI, çdo ditë e humbur kushton jetë!
