Mjeku Tritan Kalo, në një intervistë për “Abc News”, ka folur në lidhje me spekulimet, se numri real i të vdekurve është më i lartë se ai që deklarohet. Sipas tij, manipulimi i shifrave është i pamundur.
“Numri i rasteve të konfirmuar, nuk do të thotë se nuk ka më shumë të infektuar, sepse shumë njerëz janë asimptomatikë. Dhe vetëm studimet e mëvonshme, do nxjerrin shifra më të sakta.
Shifrat nuk mund të manipulohen kurrë. Një gjë e tillë është e pamundur. Ka mënyra për t’u vërtetuar. Sa më shumë shtohet numri i testimeve, aq më shumë plotësohet përqindja. Problemi kryesor është të mos testohen në testim ata që kanë simptoma, dhe ata që kanë kontakte me personin e sëmurë apo edhe me kontaktin e personit të sëmurë”, tha Kalo.
Por si është paraqitur situata në vendin tonë? Mjeku Tritan Kalo e ka quajtur kurbën në formën e sharrës, e cila nuk është as e sheshtë, por nuk ka asnjë pikë shpërthimi ekstrem. Duke iu referuar lehtësimit të masave, sipas tij, ka ardhur për shkak të numrit në rënie të të infektuarve.
“Problemi është se jemi në një kurbë e cila varion në katër raste. Është një kurbë në formë sharre. Nuk ka pasur kurrë kulme, por i bie të jetë diçka e dhëmbëzuar, por pa shpërthime ekstreme. Virusi është i pranishëm.
Na tregon që duhet të jemi gjithmonë vigjilent. Tendenca e hapjes vjen nga fakti se numri i rasteve ka një tëndencë pozitive rënie në të gjitha vendet”, u shpreh Tritan Kalo.
