Ministri i Jashtëm i Italisë, Luigi Di Maio ka falenderuar edhe një herë të gjitha vendet, që i kanë ardhur në ndihmë Italisë në luftën kundër koronavirusit.
Përmes një postimi në Facebook, Di Maio thotë se pavarësisht se numri i rasteve të reja ka rënë, personeli shëndetësor vijon të punojë i palodhur duke pushuar vetëm pak orë në natë.
Ai bën me dije se janë mbi 330 mjekë dhe infermierë të dërguar nga vendet e huaja. Në listën e shteteve që Di Maio falenderon, vendi ynë renditet i pari. Kujtojmë se Shqipëria ka dërguar 90 personel mjekësor drejt Italisë, për të ndihmuar në luftën kundër COVID-19.
Postimi i plotë:
Mjekët, infermieret dhe punëtorët socio-shëndetësor po punojnë turne masakruese këto javë për të shpëtuar jetë.
Këta njerëz po pushojnë vetëm pak orë në natë, edhe sepse ditët e fundit ka rënë numri i personave të infektuar, ka ende kaq shumë punë për t’u bërë.
Për t’i dhënë mbështetje grave dhe burrave që punojnë në spitalet tona po dërgojmë personel shëndetësor nga jashtë.
Deri më sot janë mbi 330 mjekë dhe infermierë të dërguar nga vendet e huaja, që po ndihmojnë forcat tona të bardha. Disa prej të cilëve janë shpërndarë në spitalet në terren, të cilat janë në gjendje të akomodojnë mbi një mijë pacientë.
Shqipëri
Kina
Kubë
Gjermani
Norvegji
Poloni
Katari
Rumani
Rusi
Tunizi
Ukrainë
SHBA
Përveç këtyre vendeve, të gjitha shtetet tjera që na kanë dhënë maska dhe shumë pajisje tjera shëndetësore. Faleminderit shumë, nuk do t ‘ i harrojmë kurrë këto gjeste.
