E mërkurë, 16 Qershor, 2021
27.5 C
Tirana

Nuk vuani aspak nga i ftohti gjatë dimrit? Ja çfarë e shkakton këtë gjë

Shumica prej nesh,detyrohemi të përjetojmë një periudhë me mot të ftohtë për të paktën një pjesë të vitit. Dhe një studim i ri ka identifikuar një mutacion specifik gjenetik, që e bën 20 për qind prej nesh shumë më rezistent ndaj temperaturave të acarta.

Mutacioni gjenetik, ndalon prodhimin e proteinës α-aktininë-3, e cila është e rëndësishme për fibrat muskulore të skeletit. Kjo proteinë gjendet vetëm në fijet me dridhje të shpejtë (ose të bardha), dhe jo në fijet me dridhje të ngadaltë (apo të kuqe) .

Bazuar në rezultatet e studimit të ri, njerëzit pa α-aktininë-3, kanë një përqindje më të lartë të fibrave me lëvizje të ngadaltë, dhe një nga pasojat është se trupi tenton që ta kursejë energjinë, duke aktivizuar muskujt përmes kontraktimeve dhe jo dridhjes.

“Kjo gjë sugjeron që njerëzit që nuk kanë α-aktininë-3 janë më të aftë në ngrohjen e trupit dhe prodhimin e energjisë së duhur. Ata e durojnë më lehtë një periudhë me mot më të ashpër, edhe pse për këtë gjë nuk ka pasur më herët ndonjë provë të drejtpërdrejtë eksperimentale”-thotë mjeku Hakan Vesterblad, nga Instituti Karolinska në Suedi.

“Tani ne mund të tregojmë se humbja e kësaj proteine, ​​i jep njeriut një rezistencë më të madhe nga i ftohti, dhe kemi gjetur gjithashtu një mekanizëm të mundshëm për këtë”- shton ai. Studiuesit rekrutuan 42 burra, që u futën në ujë në temperaturën 14 gradë celsius, teksa matej temperatura dhe aktiviteti i muskujve të tyre.

Zhytja në ujin e ftohtë zgjati 20 minuta në të njëjtën kohë, me 10-minuta pushime midis, dhe deri në 2 orë në total.

Përqindja e pjesëmarrësve që mund ta mbanin temperaturën e trupit mbi 35.5 gradë Celsius, ishte më e lartë tek ata që kishin mutacionin α-actinin-3, përkundrejt atyre pa këtë mutacion, dhe që ishin 69 për qind e vullnetarëve përkundrejt 30 për qind.

Pra duket se mutacioni gjenetik i ndihmonte këta pjesëmarrës që të kursenin energji në një mënyrë më efikase, dhe të krijonin një rezistencë më të madhe ndaj të ftohtit. Gjithashtu,ekipi kreu eksperimente pasuese tek minjtë që kishin të njëjtin mutacion, për të kontrolluar nëse ky mutacion mund të kishte lidhje me rritjen e rezervave të yndyrës kafe – një ind i njohur për gjenerimin e nxehtësisë tek gjitarët – por rezultoi që nuk ndodhte kështu.

Njerëzit që nuk kanë α-aktininë-3, mund të jenë më të mirë-përgatitur për një notim në ujë të ftohtë apo për periudhën e ftohtë të dimrit. Por studiuesit thonë gjithashtu se kjo mund t`i lërë ata më të prekshëm ndaj mbipeshës dhe diabetit të tipit 2, nëse janë fizikisht joaktivë.

“Mutacioni u dha ndoshta njerëzve të lashtë një avantazh evolucionar gjatë migrimit drejt një klime më të ftohtë. Por në shoqërinë e sotme moderne, kjo aftësi e kursimit të energjisë, mund të rrisë rrezikun e këtyre sëmundjeve. Dhe kjo është diçka për të cilën ne duam të tërheqim vëmendjen”- thotë Vesterblad.

Siç e ka treguar edhe një studim i mëparshëm, mungesa e α-aktininës-3, është rritur në të gjithë popullsinë, ndërsa njerëzit kanë kaluar nga klimat më të ngrohta në ato më të ftohta. Edhe pse ka pikëpyetje nëse ky mutacion është i pranishëm që në lindje, dhe nëse ndikon në vdekshmërinë e foshnjave.

Është gjithashtu interesante të theksohet se atletët që shkëlqejnë në sportet ku kërkohet shpërthim dhe forcë (si vrapimet e shpejtësisë së lartë, sprintet), kanë më shumë të ngjarë të mos kenë këtë mungesë të α-aktininë-3, ndërsa për sportet ku kërkohet qëndrueshmëri fizike statistikat përmbysen.

Burimi i lajmit: https://www.sciencealert.com/1-in-5-of-us-have-a-genetic-mutation-that-makes-us-more-resilient-to-the-cold

Përshtatur nga TIRANA TODAY

- Reklama -

Më shumë nga kategoria




Të fundit

10 shprehje nga Gynter Gras, që duhet t’i lexojmë të paktën një herë

"Edhe librat e këqij janë libra, kështu që janë të shenjtë". "E di që Sot të gjitha gjërat kanë sy, se asgjë nuk kalon pa...

Ministri i Jashtëm kroat: Jem krah Kosovës për njohje nga 5 shtete të BE

''Do jemi në krah të Kosovës që të njihet edhe nga pesë vendet që nuk e njohin ende.'' Ministri i Jashtëm i Kroacisë, Gordan...

Kim Jong Un e pranon: Koreja e Veriut po vuan nga kriza ushqimore

Udhëheqësi i Koresë së Veriut, Kim Jong Un deklaroi se vendi po përballet me një krizë ushqimore, për shkak të përmbytjeve, situatës së pandemisë...

Takimi me Kurtin/ Vuçiç: Mbase e fyeva, por nuk pendohem

Presidenti i Serbisë Aleksandër Vuçiç, ka folur për takimin e djeshëm që pati në Bruksel, me kryeministrin e Kosovës Albin Kurti. Në një konferencë për...

Twitter-i bllokoi Presidentin e Nigerisë, ai bllokon Twitter-in në Nigeri

Në mëngjesin e 5 qershorit, 23-vjeçarja Farida Garba (pseudonim)  hapi aplikacionin e saj Twitter për të zbuluar se, si dhe 39 milion përdorues të...