Konfliktet mes Kosovës dhe Serbisë kanë patur ndikimin e tyre edhe në sport. Një ditë më parë nuk u lejua që të zhvillohej ndeshja mes ekipeve kombëtare të rinj të hendbollit mes këtyre dy shteteve. Serbia i anuloi me pretekstin se kjo sfidë rrezikonte të kishte përleshje mes tifozëve, edhe pse ishte vendosur që nuk do të përdoreshin stema, flamuj apo të këndohej himni.
Por mbrëmjen e shkuar disa persona të paidentifikuar kanë sulmuar ambientet e Federatës së Hendbollit në Serbi, për shkak të kësaj ngjarje, ku nuk u lejua që Serbia të luante ndaj Kosovës. Në mjediset e federatës serbe është vizatuar flamurit shqiptar dhe mbishkrimi “No himni, no parti”. Gjithashtu derës i është vënë një kyç në shenjë proteste.
Ndërkohë, Federata e Hendbollit Evropian (EHF) ka pezulluar Federatës e Hendbollit të Serbisë dhe ka përjashtuar ekipin kombëtar junior të Serbisë prej kualifikueseve për Kupën e Botës. Gjithashtu vlen të theksohet se Kosova nuk do të jetë në gjendje të luajë edhe ndeshjet e tjera ndaj Norvegjisë dhe Sllovakisë në territorin serb.
