Kryetari i LDK-së në Kosovë, Isa Mustafa, ka reaguar në lidhje me deklaratat e kryeministrit Rama për krijimin e shengenit ballkanik.
Mustafa u shpreh se nuk dëshiron të shohë më askënd duke përjetuar edhe një herë Jugosllavinë.
“Ne që e kemi përjetuar Jugosllavinë nuk dëshirojmë ta përjetojmë edhe njëherë. Edhe atyre që nuk e kanë përjetuar, nuk ua dëshirojmë. I kam shprehur qëndrimet e mia dhe të LDK-së në postimin tim lidhur Mini-shengenin dhe Mini-jugosllavët”, deklaroi ai.
Kujtojmë se ai është shprehur edhe më herët se nuk e përkrah mini-shengenin.
