Monika Kryemadhi i ka dhënë provat se është një kuzhiniere mjaft e mirë. Një video e cila qarkullon në rrjet, tregon Kryemadhin jashtë petkut të politikës, ndërsa ndodhet me të rinjtë në kampin e LRI.
Pavarësht thirrjes së ekpertëve të shëndetësisë për ruajtjen e distancës dhe vendosjen e maskës në ambienteve të mbyllura ku ndodhen shumë persona, duket se kjo thirrje ka shkuar në vesh të shurdhër.
LRI ka mbledhur edhe këtë vit kampin në Jalë, ku janë grumbulluar të rinj e të reja nga i gjithë vendi, por edhe përfaqësuesit e LSI.
Kryetarja e LSI, Monika Kryemadhi shfaqet mes të rinjve duke gatuar, kërcyer, kënduar dhe në fund duke larë enët.
Ndonëse qytetarët shqiptarë janë të detyruar të mbajnë maska mbrojtëse në të gjitha ambientet e mbyllura, një gjë e tillë nuk ka ndodhur me të rinjtë e LRI.
Përdorimi i maskës ka një efikasitet të lartë në kufizimin e përhapjes së virusit, mbështetur kjo dhe në rekomandimet e Qendrës Europiane te Kontrollit të Sëmundjeve, Organizatës Botërore të Shëndetësisë. Por një urdhër të tillë nuk e zbaton edhe vetë kryetarja e LSI.
