Ministrja e Shëndetësisë, Ogerta Manastirliu, tha sot në seancën e Kuvendit se mbajtja e maskave është një hap për të kufizuar përhapjen e virusit. Ajo theksoi se nuk mund të bëhet politikë me virusin. Ministja tha se jemi në një situatë serioze, pasi është një virus që kërcënon jetën tonë.
Sikundër edhe kryeministri Rama, Manastirliu citoi se është një luftë e të gjithë qytetarëve bashkërisht, për të shmangur një mbyllje të dytë.
“Mbajtja e maskave është një hap për të kufizuar përhapjen e virusit. Maska, distancimi social dhe higjiena janë rregullat kryesore. Sot në Parlament po bëhej politika e ditës me virusin. Konteksti është i qartë, kush nuk do të shohë qartë e përdor këtë situatë për politikë.
Edhe ata që janë jashtë këtij parlamenti, flasim për plane e pika, me lapsuse, por unë besoj se është situatë serioze, duhet ta trajnojmë të tillë dhe duhet të jemi të gjithë bashkë, pasi është një virus që kërcënon jetën e shqiptarëve.
Kjo është një luftë e të gjithë qytetarëve shqiptare, dhe në këtë mënyrë po shmangin një mbyllje të dytë. Jam sot shumë e kënaqur që kam parë që qytetarët po mbajnë maska, dua që kjo gjë të vijojë edhe në ditët e ardhshme.
Ne e kemi mirëmenaxhuar këtë situatë. Qëllimi ynë është që qytetarët të marrin shërbimin shëndetësor që meritojnë”, u shpreh ministrja.
Ish-deputeti i Partisë Demokratike, Bardh Spahia i është përgjigjur Ministres së Shëndetësisë, Ogerta Manastirliu, për çështjen e maskave. Spahia shkruan se nuk luftohet virusi me shfaqje.
Ai ka kërkuar shtimin e numrit të testimeve dhe gjurmimin e kontakteve. Si dhe të furnizojnë me maska maska falas 40% të qytetarëve që jetojnë me 4 dollarë në ditë.
Statusi
Pandemia nuk administrohet me fjalë, foto apo video nga kolltuqet e ngrohta dhe të sigurta të ministrisë së shëndetësisë.
Prandaj, lëri fjalët dhe fillo të bësh punë konkrete që mbrojnë mjekët, infermierët, mësuesit dhe qytetarët, ndihmojnë të sëmurët dhe familjet e tyre dhe bëjnë më të sigurta spitalet dhe shkollat.
Shtoni numrin e testimeve në të paktën 2500 në ditë dhe gjurmoni kontaktet!
Furnizoni me maska falas 40% të qytetarëve që jetojnë me 4 dollarë në ditë!
Pajisni spitalet me aparate oksigjeni dhe medikamentet anti-Covid, me pajisje mbrojtëse për mjekët dhe infermierët!
Ofrojuni falas paketën e trajtimit ambulator qytetarëve të sëmurë që trajtohen në shtëpitë e tyre!
Furnizoni me ujë 70% të shkollave që u mungon uji, me materiale higjenike!
Me fjalë, me shfaqje dhe me video nuk mbrohen dhe as shërohen qytetarët e sëmurë, as nuk ndalet përhapja e COVID.
COVID përmbahet me masa siç po marrin edhe vendet e rajonit.
https://www.facebook.com/permalink.php?story_fbid=2751102988550417&id=100009522289777
