Gjykata Penale e Tiranës ka dhënë dënimin për Roland Kryemadhin, i cili u arrestua pak kohë më parë në zonën e Kamzës në Tiranë, pasi nuk çonte fëmijët e tij të mitur në shkollë.
Gjykata e ka dënuar Kryemadhin me 3 vite burg, i cili do të konvertohet në shërbim prove.
Përveç Kryemadhit është dënuar dhe bashkëshortja e tij Besarije Kryemadhi, që po ashtu do t’i përkthehet në shërbim prove.
Kryemadhi gjatë momenteve të arrestimit kundërshtoi dhe punonjësit e policisë, por duket se kjo nuk i është marrë parasysh nga gjykata, ndërsa procesi i tij është kryer me gjykim të shkurtuar, që do të thotë se atyre iu reduktohet 1/3 e dënimit, shkruan “faxweb”.
