Ministrja e Shëndetësisë, Ogerta Manastirliu, ka ndarë me ndjekësit në Facebook foton e një mjeku që u ka shkuar për ndihmë kolegëve të tij, ndonëse ka dalë në pension. Ajo i referohet mjekut Dhimitër Kraja, i cili pas 48 vitesh punë është rikthyer për t’u ardhur në ndihmë kolegëve të tij.
Ministrja shprehet se me pandeminë që ka prekur vendin dhe ku kemi 9 viktima, Dr. Luli i është përgjigjur thirrjes për t’u kthyer në shërbim, e për të dhënë kontributin e tij në këto ditë të vështira.
Statusi
?#COVID-19
Prof. Dhimitër Kraja ka një jetë që shërben në spitalin Infektiv. Dr. Luli, siç e thërrasin të gjithë, pas 48 vitesh punë, është përgjigjur i pari thirrjes për t’u kthyer në shërbim, për të ndihmuar stafin e palodhur të Infektivit në këto ditë të vështira.
#RESPEKT??
Siç paralajmëroi edhe kryeministri Edi Rama, edhe kjo fundjavë do të kalojë në izolim total në të gjithë vendin, me qëllim ndalimin e përhapjes së koronavirusit.
Nga ora 13:00 e ditës së sotme dhe deri të hënën në orën 05:00, të gjithë do të qëndrojnë të izoluar. Rama njoftoi dje se nga e hëna askush nuk del dot më në pazar, pa marrë lejen digjitale me e-mail ose telefon në emër të familjes.
