Komisioni i Pavarur i Kualifikimit, ka shkarkuar nga detyra Kryetaren e Gjykatës Administrative Durrës, Marjana Velçanin. Ky vendim vjen pasi dje, ajo u përball me seancën dëgjimore ku u konstatuan probleme sa i takon pasurisë dhe anës profesionale.
Gjatë verifikimeve u krijuan dyshime lidhur me të ardhurat për blerjen e një apartamenti në Berat në vitin 2003, të blerë me kredi, për një apartament në Tiranë prej 45 mijë eurosh të blerë në vitin 2009, për të cilin janë konstatuar pasaktësi për të ardhurat.
Po ashtu paqartësi janë konstatuar edhe për blerjen e dy makinave prej saj, në një shumë totale prej afro 20 mijë euro.
Probleme u konstatuan edhe për profesionalizmin, kjo pasi Këshilli i Lartë Gjyqësor ka vlerësuar se Velçani ka aftësi mesatare në intepretimin e ligjit. Si dhe janë konstatuar probleme në zbatimin e procedurës, dhe se nuk përdor praktikat e gjykatave më të larta në vendimet e saj.
