Italia vijon të përballet me pasojat e tmerrshme që ka sjellë shpërthimi i koronavirusit në vend.
Sipas mediave vendase, 766 persona kanë ndërruar jetë nga COVID-19, në 24 orët e fundit. Ndërsa janë regjistruar 2,339 raste të reja.
Numri i viktimave në Itali vijon të jetë i qëndrueshëm, duke treguar se situata është akoma e rëndë në vend.
Ditën e djeshme u shënuan 760 viktima, 6 më pak se ditën e sotme. Në total numri i viktimave në Itali ka arritur në 14,681.
Në 24 orët e fundit janë shëruar 1,480 persona, duke e çuar në 19,758 numrin total të tyre.
Koronavirusi ka prekur më shumë se 1 milionë njerëz nga e gjithë bota, ndërsa deri më tani ka shënuar 56,904 viktima.
Italia vijon të regjistrojë numrin më të madh të viktimave, e ndjekur nga Spanja, SHBA, Franca, Mbretëria e Bashkuar etj.
