Kryeministri Edi Rama ka komentuar reagimin e shtetit serb, ndaj thirrjes së tij për të hequr bllokimin ndaj kamionëve të Kosovës.
Përmes një postimi në Twitter, Rama e cilësoi këtë si një lajm të mirë. Më tej, ai shton se ky është një gjest që duhet të mirëpritet si shprehje e vullnetit të mirë, për të fituar këtë luftë së bashku dhe për të dalë më e fortë.
@avucic Lajm i mire qe per kamionet e Kosoves sot nuk ka pengese!Jo vetem lajm i mire po edhe nje gjest per t'u pershendetur, si shprehje e vullnetit qe se bashku ta fitojme kete lufte dhe te dalim te gjithe me te mire e me te forte prej saj #Solidarity #Cooperation #WB6
— Edi Rama (@ediramaal) April 1, 2020
Kujtojmë se Drejtori i Zyrës për Kosovën në qeverinë e Serbisë, Marko Gjuriç u shpreh se nuk ka asnjë bllokadë për kalimin e mjeteve nga Kosova.
“Nuk ka kurrfarë bllokade për kalimin e kamionëve nga Kosova në Serbi në dogana. Ka pasur vetëm një masë që lidhej me ndalimin e lëvizjes gjatë orës policore për shkak të koronavirusit, nga e cila para dy ditësh kemi përjashtuar kamionët me artikuj themelorë edhe për shqiptarët nga Kosova”, tha ai në reagimin e tij.
