‘Nuk jetove si militant’/ Blendi Fevziu nxjerr foton e rrallë me Bashkim Finon

Ndarja nga jeta në mënyrë të parakohshme të deputetit të PS, Bashkim Fino, ishte një humbje e madhe për politikën në vend.

Të shumtë ishin miqtë dhe kolegët që shprehën ngushëllimet për Finon, teksa dita e sotme u shpall zie kombëtare, në nder të tij.

Ndërkohë, gazetari Blendi Fezviu ka postuar një foto të rrallë me Bashkim Finon, të shkrepur në korrik të vitit 1998, pak kohë pasi kishte ushtruar detyrën e kryeministrit.

Fevziu shpreh vlerësimin e tij dhe dhimbjen për ndarjen para kohe nga jeta të Finos, nga Covid-19.

”Lamtumire Bashkim Fino. Asnje dite ne politike nuk jetove si militant; atehere kur vendi kishte nevoje per ty dite te ishe me i ekuilibruar se te gjithe ne. Vetem se u largove me heret se sa duhej… (Foto e Korrikut 1998 ne TVSH)”, shkruan Fevziu në rrjetin social, Facebook.

Ish-kryeministri dhe deputeti i Partisë Socialiste, Bashkim Fino, u shua në moshën 59-vjeçare mëngjesin e kësaj të hëne. Ai ishte i infektuar me Covid-19 dhe humbi jetën për shkak të komplikacioneve nga virusi.