Me anë të një postimi në rrjetet sociale, avokat Spartak Ngjela i kujton kryeministrit Rama të kaluarën e Vuçiçit dhe i drejtohet duke i thënë se ai ‘nuk ia del dot me vallen serbe’.
Rama pret sot në Tiranë liderat e vendeve, pjesë të “Mini-Schengenit” ballkanik. Vuçiç vjen në Shqipëri për herë të parë, që prej deklaratës së tij që shkaktoi reagime të shumta, ku mohoi masakrën e Reçakut. Ndonëse Serbia mohon krime të tilla, Rama vijon bashkëpunimin.
Ndaj avokati Spartak Ngjela e ka parë të udhës për t’iu kundërpërgjigjur Ramës. Ai ka sulmuar kryeministrin, duke theksuar faktin se ai po vijon një flirt politik në rajon, që është edhe kundër SHBA-së.
Statusi
Rama nuk ia del dot me vallen serbe.
Presidenti i Serbisë mohoi masakrën e Raçakut.
Rama është përpara provës shqiptare: pushteti i Ramës është investim i shqiptarëve, apo investim i fqinjëve armiq gjakatarë antishqiptarë?
A do ta vijojë Rama flirtin absurd me Vuçiçin?
Vuçiçi ishte ndër autorët ministra të masakrës së Raçakut.
E di Rama këtë fakt?
E pra, pikërisht këtu do të nisë të arsyetohet gjithçka, sepse Raçaku ishte krimi serb kundër shqiptarëve, i cili hapi rrugën e shqiptarizmit si fuqi e historisë së sotme në Ballkanin Perëndimor, por dha edhe faktin për vendimin historik të presidentit Bill Klinton në bombardimin e Beogradit.
E pra, çdo të bëjë Rama? Do të vijojë flirtin me Vuçiçin për të na thënë se “kjo është politikë”?…
;
