Kauza e Teatrit Kombëtar, ka bërë bashkë dy aktorët e humorit, Julian Dedën dhe Gentian Zenelajn.
Prej vitesh, miqësia mes tyre është zbehur deri në atë gradë sa nuk komunikonin më me njëri-tjetrin. Kjo është konfirmuar edhe nga vetë Zenelaj, i cili gjatë një interviste televizive, kohë më parë, u shpreh se marrëdhënia e tyre shoqërore ka pësuar një krisje, motivet e të cilës nuk bëhen të ditura.
Mirëpo, ditën e sotme, dy aktorët janë parë pranë njëri-tjetrit në protestën kundër shembjes së Teatrit Kombëtar. Në videon e siguruar nga “Faxweb”, ata shfaqen duke u konfrontuar me efektivët, teksa tentojnë për të çarë kordonin policor, me qëllim për të hyrë brenda godinës, në të cilën qëndronin të ngujuar dhjetëra artistë dhe aktivistë që nga mëngjesi i ditës së sotme.
