Fitorja e “Këngës Magjike” nga këngëtarja Eneda Tarifa nuk u prit dhe aq mirë nga publiku, i cili tregoi që kishte votuar më shumë Fifin.
Gjatë momentit që Eneda po merrte çmimin, shumë nga spektatorët e pranishëm po bërtisnin emrin e Fifit e cila u përlot nga rezultati.
Ndërkohë të nesërmen finalistët ishin të ftuar në emisionin “E diela Shqiptare”, ku edhe diskutuan për netët e mëparshme të festivalit. Mirëpo aty lindi edhe një debat i vogël mes Enedës edhe Fifit, gjë e cila e çoi publikun të mendonte se kishte diçka më shumë pas kësaj.
Pas këtij emisioni u përfol se ato të dyja nuk flisnin më pasi kishin hequr njëra-tjetrën nga Instagrami. Por një koment i lënë së fundmi nga Fifi, duket se vërteton të kundërtën.
Fifi ka dalë live në Instagram ku edhe ka sqaruar se si qëndron e vërteta.
“Ajo sorra (kështu e etiketoi një komentues) ka emër, e ka emrin Eneda Tarifa, ka pas një këngë shumë të bukur, po mos të më kishte pëlqyer nuk do i kisha dhënë 30 pikë. Jam shumë e lumtur që ka fituar Eneda dhe jo dikush tjetër”, tha Fifi duke treguar që vazhdon të mbajë një marrëdhënie të mirë me këngëtaren.
