Në një bashkëbisedim me ndjekësit në Instagram, moderatorja Jona Spahiu ka treguar se në një moment të caktuar të jetës së saj, televizioni nuk ishte prioritet pasi ndihej e përmbushur. Ajo ka dhënë arsyet se pse i ka munguar ekranit, duke shtuar se nuk është fundi i botës mos angazhimi në këtë drejtim.
“Si çdo gjë në jetë, edhe programeve televizive edhe jetës së një personazhi në televizion ndodh t’i vijë fundi, edhe nuk është fundi i botës. Në një moment të caktuar të jetës sime, televizioni nuk ishte prioritet, ndjeja që nuk kisha të njëjtin motiv për të qenë çdo ditë aty. Isha mjaftueshëm e përmbushur sa për të mos kërkuar kënaqësi të tjera personale apo profesionale”, është shprehur moderatorja.
Por bukuroshja nuk e ka lënë me kaq, ndërsa ka zbuluar se shumë shpejt do i rikthehet ekranit.
“Por besoj se ka ardhur një moment për të cilin kam nevojë për një sfidë të re. E kam bërë besoj televizionin në mënyrë shumë organike, e duke qenë se njerëzit në jetë lodhen për të gjetur një punë që t’i ngjajë lojës, kështu e kam bërë unë televizionin e nuk mendoj se është momenti që të heq dorë. Ndaj do të më shihni shumë shpejt”, ka shtuar ajo.
