Një grua ka goditur me thikë partnerin e saj pasi ky i fundit nuk e ka lejuar atë të paketojë shumë rroba për pushime.
Ngjarja ka ndodhur në Middleton, Greater Manchester në Angli, ku 50-vjeçarja Lesley Bradbury, pas një zemërimi të momentit goditi me thikë të dashurin e saj Gary Moore kur zbuloi se ai kishte shkarkuar nga makina disa nga gjërat që ajo kishte ngarkuar.
Policia shkoi menjëherë në vendngjarje duke gjetur kështu partnerin e 50-vjeçares me një plagë në krah, ndërkohë që ajo bërtiste: “Ai e meritoi atë çfarë i bëra”.
Viktima u trajtua për plagët e tij dhe mendohet të ketë shëndet të plotë, ndërsa ‘rrobat e tepërta’ të gruas u gjetën brenda pronës.
Në gjykatë, Bradbury u shpreh se e sulmoi partnerin pasi ajo vuan nga një gjendje e shëndetit mendor që e bën atë të grumbullojë mallra dhe t’i mbrojë ata në një “mënyrë patologjike”.
Ajo ishte akuzuar fillimisht për shkaktim të lëndimeve të rënda trupore me qëllim, por prokurorët pranuan lutjen e saj për falje ndaj akuzave për plagosje të paligjshme.
Bradbury, u dënua me 18 muaj burg dhe iu dha si kërkesë të plotësonte 30 ditë në një qendër rehabilitimi. 50-vjeçarja refuzoi të japë një deklaratë për policinë dhe mendohet se çifti është ende së bashku.
Incidenti ndodhi në 10:30 në 29 dhjetor, ndërsa çifti ishte duke u bërë gati për pushime për Vitin e Ri.
