Kreu i qeverisë Edi Rama, postoi disa vargje në rrjetet sociale, për të nderuar nënën e tij. Ish-kryeministri Sali Berisha akuzon Ramën, që nuk ka cituar burimin e vargjeve, pasi siç duket ato kanë qenë të vjedhura. Mësohet se ato i përkasin autorit David Harkins.
Krahasimi mes dy poemave u publikua nga ish-kryeministri Berisha. “Mire qe e nderon nenën, por jo duke vjedhur. Te paktën ne zi tregohu nje here njeri!”, shkruan Berisha.
Në lidhje me këtë status, menjëherë kanë shpërthyer një sërë komentesh. Si rrallë herë, Berisha ka zgjedhur që ti kundërpërgjigjet.
Qytetari- Nuk e ka zakon malësori që të tallet me vdekjen e dikujt, qoftë dhe e hasmit. Turpëron veten, familjen dhe gjithë militantët e tu me këtë nivel kaq të ulët që po tregon..
Sali Berisha: Nuk po tallet njeri me vdekjen maske mjerane po nuk nderohen te vdekurit duke vjedhur,vihet emri i autorit oor duket se je soj i tyre.
Aneta Rama mbylli sytë në moshën 82-vjeçare, duke lënë pas dy djemtë Olsi dhe Edi Rama. Lajmin për ndarjen e saj nga jeta e dha vetë kreu i qeverisë, ndërsa së bashku kërkuan nga të afëm dhe familjarë të mirëkuptonin zhvillimin e një ceremonie mortore private, për shkak të pandemisë së koronavirusit.
