Deputetja Rudina Hajdari i është përgjigjur deklaratës të analistit Mustafa Nano, i cili në monologun e tij në “Provokacija”, hodhi hipotezën se ajo nuk e ka të gjatë mbijetesën dhe jetesën në politikën shqiptare. Hajdari nuk e ka lënë në pritje, por i është kthyer me argumentin se nuk ka hyrë në politikë për të ndryshuar shtëpinë.
“I dashur Mustafa, unë nuk kam hyrë në politikë për të ndryshuar shtëpinë, siç kanë bërë ata përpara meje. Unë dua të ndryshoj Shqipërinë. Ta them ty dhe atyre që duan të dëgjojnë”.
Qëndrimi i saj pason pas deklaratës së fortë të Mustafa Nanos. “Nëse do të mbijetosh në politikë, e para, ne do të donim që ti të ishe kështu siç je dhe e dyta duhet të bësh kujdes se ka shumë stërkëmbësha në politikën shqiptare”, thotë Nano.
