Kryeministri Edi Rama përmes një postimi në rrjetin social Facebook, njofton se nga e hëna do të ketë rregulla të reja, në mënyrë që të parandalohet përhapja e koronavirusit.
Kreu i Qeverisë ka folur specifikisht për tregun në Kombinat teksa pohon se nuk do rrezikohet gjithçka është arritur deri më tani, vetëm për të.
“Nëse nga 27 njësi, në 26 prej tyre tregjet funksionojnë për bukuri, nuk ka asnjë arsye që të mos vendoset rregull edhe në tregun e kombinatit”, shkruan kryeministri.
Ky i fundit njofton rregullat e reja për tregun e Kombinatit, si: “Ushtria nuk do të lejojë më makina në treg;
– Do të ketë vetëm një hyrje, çdo hyrje tjetër mbyllet;
– Largohen të gjithë ambulatët në një hapësirë tjetër;
– Në hyrje do të krijohet një tunel higjenik për dezinfektim.
– Do vendoset sinjalistikë 2m larg njëri-tjetrit”.
Postimi i plotë i Ramës: “Kombinat, Tiranë – nuk do rrezikojmë gjithçka që kemi arritur deri tani në Tiranë vetëm për një treg!
?Nëse nga 27 njësi, në 26 prej tyre tregjet funksionojnë për bukuri, nuk ka asnjë arsye që të mos vendoset rregull edhe në tregun e Kombinatit.
?Nga e hëna rregulla të reja:
– Ushtria nuk do të lejojë më makina në treg;
– Do të ketë vetëm një hyrje, çdo hyrje tjetër mbyllet;
– Largohen të gjithë ambulatët në një hapësirë tjetër;
– Në hyrje do të krijohet një tunel higjenik për dezinfektim.
– Do vendoset sinjalistikë 2m larg njëri-tjetrit.
Masa drastike për të vetmin treg që na sjell probleme, por të gjitha këto nuk bëhen pa bashkëpunim!”
Kujtojmë se në Shqipëri deri më tani kanë ndërruar jetë 18 persona nga koronavirusi, si dhe janë regjistruar 333 raste pozitive.