Ministri i Brendshëm, Sandër Lleshaj ka komentuar deklaratat e kryebashkiakëve aktualë demokratë.
Në takimin e tij me prefektët, Lleshaj iu dha një përgjigje kryebashkiakëve të cilët janë shprehur se refuzojnë t’ua lirojnë zyrat e tyre, kandidatëve të zgjedhur më datë 30 qershor.
“Urojmë askush të mos çmendet dhe të mos kemi situata të tilla. Mandati i të zgjedhurve vendorë është i përcaktuar qartë, 4-vjeçar. Më 30 qershor ka ndodhur zgjedhje në Shqipëri, të certifikuara nga autoritetet përkatëse. Uroj të mos kemi situata të kësaj natyre, ku njerëz të caktuar të mos dalin nga binarët shtetërore”, deklaroi Lleshaj.
