Mediat italiane kanë pasqyruar një ngjarje të rëndë në Itali, ku një shqiptar i identifikuar si Caf Nikaj, është vrarë me thikë nga fqinji i tij, pas disa mosmarrëveshjesh që kishin pasur kohët e fundit. Ngjarja ndodhi këtë të shtunë e sipas mediave, shqiptari 59-vjeçar ka ndërruar jetë në spital, pasi s’ka mundur t’i bëjë ballë plagëve të marra.
Ndërkaq, autori është identifikuar si Lorenzo Rivani, 63-vjeçar italian. Gazeta “La Repubblica” shkruan se shqiptari është qëlluar nga një fqinji i tij italian, në kulmin e një konflikti mes palëve.
Mësohet, se fillimisht shqiptari dhe autori kanë debatuar disa çaste. Më pas 57-vjeçari është larguar me shpejtësi, ndërsa italiani e ka ndjekur pas dhe e ka qëlluar disa herë me thikë pranë një nënkalimi të qytetit të Novarës.
Sipas mediave, kanë qenë këmbësorët ata që e panë shqiptarin në rrugë dhe njoftuan ambulancën menjëherë, por 57-vjeçari nuk ka arritur t’i mbijetojë plagëve të shumta. Ndërsa autori u tha policëve se ai e vrau shqiptarin për t’u vetëmbrojtur, por versioni i tij mbetet për t’u verifikuar pasi tani ai ndodhet në paraburgim.
