E hënë, 6 Dhjetor, 2021
9.5 C
Tirana

NOTAT/ Uzuni super, Grezda ‘në hije’. Përse e mbajnë Kaçen në stol?

Shqipëria arriti të fitonte me rezultatin 0-3 në transfertë ndaj Andorrës. Në një ndeshje të tillë më pak të vlerësuarit janë mbrojtësit, pasi nuk kishin thuajse aspak punë për të bërë ndaj këtij kundërshtari. “Shqiperia.ch” publikon notat e këtij takimi, nisur nga niveli që kanë treguar lojtarët tanë:

Berisha(Pa notë)- Tifozët nuk mund të vlerësohen me notë në një ndeshje. I tillë edhe Berisha!

Hysaj(5)- Nuk kishte shumë angazhim në mbrojtje. Shkodrani provon të hedh krosime gjatë 90 minutave në zonën kundërshtare, por duhet të punoj shumë me saktësinë e tyre. Shpeshherë shkojnë më kot!

Ismajli (5.5)- Në një takim si ky me Andorrën, edhe Ismajli qëndron spektator për pjesën më të madhe të ndeshjes. Kur thirret në detyrë, është i gatshëm gjithmonë për të dhënë kontribut. Merr gjysmë note më shumë se Gjimshiti, pasi është i pari që ka guximin për ta dërguar topin menjëherë në sulm, me saktësi të lartë.

Gjimshiti(5)- Mbrojtësi i Atalantës jep siguri këtë herë, ndryshe nga Turqia. E ndihmon edhe fiziku për të trembur kundërshtarët.

Aliji (5.5)- Jep një shtysë të madhe për aspektin e sulmit. Diçka më mirë mund të bënte me driblimet, por krosimet e tij kanë rrezikshmërinë e duhur.

Basha(6)- Luhej ndaj Andorrës, por në momentin më të keq. Spektakli nuk ishte për t’u çuar ndërmend, me mesfushorin që ka gjithë eksperiencën e duhur, për të dhënë qetësi në mesfushë. Nuk bën gjëra të jashtëzakonshme, por jetike për Kombëtaren.

Kaçe(6.5)- Përse e mbajnë në stol këtë lojtar? Nuk është as i ri në moshë, për të pretenduar mungesën e eksperiencës. Loja e mesfushës kontrollohet në mënyrën më të mirë të mundshme, kur në të bën pjesë “regjisori” Kaçe. Ka magnet te këmbët, që e thith gjithmonë topin afër vetes.

Xhaka(5)- Kishte shansin për t’i sjellë qetësinë Shqipërisë që në pjesën e parë, por nuk e bën një gjë të tillë. Kordinimi me portën nuk ishte i saktë, ndërsa ndonjëherë edhe e tepron me mbajtjen e topit. Pozitiv, por nga Taulant Xhaka pritet edhe më tepër.

Uzuni(7)- Një marsh më shumë se të tjerët! Uzuni ishte më i rrezikshmi te Shqipëria, duke marrë gjithmonë krahun e djathtë për t’u futur në zonë me topin. Panik shkakton te kundërshtarët, me driblimet që i dilnin lojtarit tonë. Shumë topa të futur në zonën kundërshtare. Mëkat i vetëm ajo shtyllë e sekondës së 30!

Grezda(4.5)- Futbollisti më pak pozitiv i mbrëmjes, pasi të dobët në rezultatin 0-3 nuk mund të ketë. Grezda dëshmon formën jo të mirë që po kalon te Rangersi pas dëmtimeve të shumta. Nëse nuk arrihet të bëhet diferenca edhe ndaj këtij kundërshtari, atëherë do të thotë se ka shumë për të punuar.

Sadiku(6)- Një shans, një gol. Pak rëndësi ka mënyra dhe dhurata e portierit. Shqipëria vuante për një lojtar të tillë, që të ndëshkon me mundësinë e parë që i jepet për ta shfrytëzuar.

- Reklama -

Më shumë nga kategoria




Të fundit

S’ka më sekrete/ Ja kur do të mbahet Festivali i 60-të i Këngës në RTSH

Edicioni i 60-të i Festivalit të Këngës në Radio Televizionin Shqiptar do të përfcillet LIVE për publikun shqiptar në mbrëmjet e 27,28 dhe 29...

Ekzekutimi i ish-deputetit, bashkëshortja nxjerr emrat dhe ndryshon dëshminë

Natalina Ujka, bashkëshortja e biznesmenit shkodran Pashko Ujka, ka treguar për grupin hetimor se personat me të cilët bashkëshorti i saj ka pasur konflikte...

Misteret e pazgjidhura të Luftës së Dytë Botërore

Ne të gjithë i duam misteret, dhe Lufta e Dytë Botërore siguroi shumë të tilla. Shkalla e madhe e luftimeve dhe e taktikave të tokës së djegur, solli...

Ish-banori i “Big Brother”: Donaldi nuk është fitues, mes çiftit s’ka dashuri

Ish-banori i “Big Brother”, Adi Pojana, teksa ishte i ftuar në studion e “Shqipëria Live”, ka komentuar lidhjen e shumëpërfolur mes Donaldit dhe Beatrix. Për...

“Shkelje financiare”, arrestohet presidenti i klubit italian

Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive...