“Në atë kohë isha diku tek 60%-shi im, kisha dhimbje në ije dhe të gjithë flisnin vetëm për këtë gjë dhe dëmtimin tim. Kështu që vendosa të pres flokët me një model tjetër nga i zakonshmi.
Në fakt, të nesërmen, në stërvitje, të gjithë u përqëndruan vetëm tek e qethura ime dhe kështu vijoi deri në fund të Botërorit. E pranoj që ishte e tmerrshme, një “look” i imituar nga aq shumë njerëz: nuk e doja dhe u dëshpëruar për atë gjë. Mbaj mend që në prag të finales kundër Gjermanisë nuk doja të flija, kisha frikë se ajo që ndodhi në vitin 1998 do të ndodhte përsëri.
Gjeta Didën dhe i kërkova të rrinte me mua. Dhe ai qëndroi derisa u nisëm me autobusin për në stadium. Me shumë kënaqësi i kujtoj golat ndaj gjermanëve. Nuk ishin golat e mi më të mirë, por më të rëndësishmit pasi askush nuk besonte se mund të luaja përsëri futboll. Por ajo dopietë është fitorja më e madhe”. -Ronaldo Nazario
30 qershor 2002
Në Yokohama, “fenomeni” me një dopietë rrëzon Gjermaninë, duke u bërë Kampion Bote dhe golashënuesi më i mirë i turneut me 8 gola. Jo vetëm më i forti nga të gjithë, por edhe më i imituari.
Atë verë, në fakt, miliona berberë në të gjithë botën u çmendën nga ideja që duhet të riprodhonin modelin e tij.
