Robert Berisha pranoi ndarjen nga Nora Istrefi, ndarje e cila ishte përfolur në media prej disa muajsh.
Nëse kthehemi pas në kohë, pak muaj më parë e ftuar në “Xing me Ermalin”, këngëtarja Nora Istrefi foli e para për ndarjen, duke lënë edhe të aludohej se ata nuk ishin më bashkë.
“Unë i respektoj shumë gazetarët, dhe i kam koleg, mirëpo kur është një lidhje e gjatë, një martesë e gjatë patjetër që ka ulje-ngritjet e veta. Ne kemi 14 vite bashkë, kështu që as lidhja jonë nuk ka qenë imune, por ne vazhdojmë të jemi prindër, bashkëshortë. Të ardhmen nuk mund ta parashikojmë”, u shpreh Nora. (pas minutës së 33)
Postimi i Robertit konfirmoi ndarjen e çiftit, i cili për vite me radhë ka qenë në qendër të vëmendjes së mediave rozë.
